Vijay Devarakonda Movies: విజయ్ దేవరకొండ ప్రస్తుతం ఫ్యామిలీ స్టార్ Family Star అనే చిత్రాన్ని ప్రేక్షకుల ముందుకు తీసుకు రానున్నాడు. ఈ మూవీతో విజయ్ మళ్లీ హిట్టు కొట్టేలానే ఉన్నాడని ట్రేడ్ వర్గాలు విశ్లేషిస్తున్నాయి. అయితే విజయ్ మాత్రం తన వంతుగా ఇప్పుడు ప్రమోషన్స్ని భుజానికి ఎత్తుకున్నాడు. తమిళ మీడియాతోనూ ఇంటరాక్ట్ అవుతున్నాడు. హీరో విజయ్ దేవరకొండ ఇటీవల ఒక ఇంటర్వ్యూ లో పలు ఆసక్తికర విషయాలు వెల్లడించారు.
కోలీవుడ్లో కొత్త దర్శకుడికి ఛాన్స్ ఇస్తారా అని అక్కడి మీడియా అడిగినట్టుంది. దానికి విజయ్ సూటిగా సమాధానం ఇచ్చాడు. తాను కొత్త దర్శకుడితో పని చేయను అని, కనీసం ఒక్క సినిమా తీసిన అనుభవం అయినా ఉండాలని అన్నాడు. కొత్త దర్శకుడు అయితే ఆ ప్రెజర్, ఆ స్కేల్ను అందుకోలేడేమో అని చెప్పుకొచ్చాడు. కనీసం ఒక్క సినిమా అయినా తీసి ఉంటే.. కాస్త అనుభవం ఉంటుందని అన్నాడు.
ఫస్ట్ సినిమా హిట్ కాకపోయినా పర్లేదు కానీ.. అందులోని మ్యూజిక్ సెన్స్, మేకింగ్, టేకింగ్, ఎడిటింగ్ సెన్స్ ఇవన్నీ కనిపిస్తాయి.. మొదటి సినిమా హిట్టు కాకపోయినా పర్లేదు కానీ.. కొత్త దర్శకుడితో మాత్రం సినిమాను చేయలేను అని ఇలా నిర్మొహమాటంగా అక్కడి మీడియాకు చెప్పేశాడు. విజయ్, మృణాల్ కాంబోలో రాబోతోన్న ఈ మూవీని పరుశురామ్ తెరకెక్కించగా.. దిల్ రాజు భారీ ఎత్తున నిర్మించాడు. గీతగోవిందం రికార్డులని బ్రేక్ చేస్తుందని దిల్ రాజు ఎంతో నమ్మకంగా ఉన్నాడు.
